Eigentlech wëllt sech dee saloppe Bruno nëmme brav erhuelen, mee wéi seng mësstrauesch Fra him nospionéiert, ass et Esseg mat der Entspanung. Am Plaz Fango-Packunge gëtt et Jalousie-Dramen, am Foyer vum Hotel dréit sech de Karussell vun der Léift an den Hotelchef Bert ass geschwënn no bei engem Nervenzesummebroch: Wat huet en sech do nëmme fir absurd Gäscht an säin éierbart Haus geholl? Eng Gräfin, déi sech «doubele» léisst, zwéin Italiéiner vun der Mafia, eng Alkoholikerin, déi Männer killt, eng komplett zerstridde Koppel, an da gëtt och nach en deiere Collier gestuel! Gutt, datt et de Commissaire Bauer mat deem erotesche Schnurres gëtt! Mee kann hien dee mysteriéisen Hoteldéif tatsächlech entlarwen? Oder geet de “Rosa Rüssel”elo am Chaos ënner?