Firwat d’Frëndin Jeanny op eemol Fränz heescht, de Schneidbrenner op eng Kéier aus dem Atelier verschwonnen ass a firwat ee ganz schwaarz am Gesiicht ass? Zu deenen extra ausgeduechten Ausrieden, déi d’Bankabriecherin Viviane hirem Mann Erwin opdëscht, dee lues a lues mësstrauesch gëtt, komme leider nach onerwaart an onerwënscht Leit op Besuch derbäi: di virwëtzeg Nopesch, déi ëmmer “eppes wëllt gesinn hunn”, dee léiwe Polizeikommissär, deen ouni e Verdacht ze hunn de Schneidbrenner zeréck bréngt, op deem e Schëld mam Numm steet an en erpressereschen italiéinesche Mafioso. Dat si Problemer, virun deenen och gestane Bankraiber géife kapituléieren.